உன்னை நாங்கள் கொன்றுவிட்டோம்!

By -

விபரம் தெரிந்து
விளையாடும்போதெல்லாம்
வீரத்துக்கு
உன்னைதான்நினைப்பேன் !

எதிரிகளை
எப்படி கையாள்வது என்று
உன் யுக்தி கண்டு
ஊரெங்கும் சொல்லுவேன்!

தங்க இடமின்றி
தடுமாறியதலைமுறைக்கே
தலைவன் நீயென
தற்பெருமை கொள்ளுவேன்!


உன் எல்லாச்செயலிலும்
நியாயம் கண்டுபிடித்து
உனக்கே சொன்னால்
மகிழ்வாய் என்றெண்ணுவேன்!

நீ செய்தது
தவறாகவே இருந்தாலும்
செய்தது நீ என்பதால்
சரியென்று வாதிடுவேன்.

துன்பியல் சம்பவமென்று
துணிவுடன் கூறியதற்கு
என்ன ஒரு தமிழ் வார்த்தை
என்று எக்காளம் பேசிடுவேன்!

எப்படி ஊடுருவினாய்
அண்ணனே!
எல்லா இதயங்களிலும்
எந்தவிதச் சிரமமுமின்றி!?

நீ இறந்துவிட்டாய்
என்று வரும்
ஏராள வதந்திகளில்
இதுவும் ஒன்றாய் இருக்காதா?

உன்னை
நாங்கள் எங்கள்
இயலாமையால்
கொன்றுவிட்டோம்!

எங்களை
நாங்களே
எதிர்க்காமல்
தின்றுவிட்டோம்.

கையாலாகாத அயோக்கியன்
கவிதை எழுதுகிறேன்.
கண்ணீர் என்னமோ
கொட்டிக்கொண்டுதானிருக்கிறது!

Comments

  1. எம்.எம்.அப்துல்லாMay 19, 2009 at 8:56 PM

    //கையாலாகாத அயோக்கியன்
    கவிதை எழுதுகிறேன்.
    கண்ணீர் என்னமோ
    கொட்டிக்கொண்டுதானிருக்கிறது!

    //

    :((

    ReplyDelete
  2. Thekkikattan|தெகாMay 20, 2009 at 5:24 AM

    அவர் எங்கும் சென்றிருக்க வாய்ப்பில்லை, இங்குதான் எங்கும் இருக்கிறார்!

    ReplyDelete
  3. AnonymousMay 26, 2009 at 2:14 PM

    :((

    ReplyDelete
  4. குசும்பன்May 27, 2009 at 7:52 PM

    Thekkikattan|தெகா said...
    அவர் எங்கும் சென்றிருக்க வாய்ப்பில்லை, இங்குதான் எங்கும் இருக்கிறார்!//

    வழி மொழிகிறேன்!

    ReplyDelete
  5. JoeMay 31, 2009 at 1:54 AM

    //
    கையாலாகாத அயோக்கியன்
    கவிதை எழுதுகிறேன்.
    //
    நானும் கூட எழுதியிருக்கிறேன் கண்ணீருடன்.

    ஆனால் அதையும் விட செஞ்சிலுவைச் சங்கம் மூலம் பணம் அனுப்பி, அங்கே துயரப்படும் தமிழர்களுக்கு உதவி செய்வதே, கவிதை/கதை/பதிவுகள் எழுதுவதை விட முக்கியம் என்று நினைக்கிறேன்.

    ReplyDelete
  6. கட்டபொம்மன்June 1, 2009 at 7:08 AM

    அப்படியே நம்ம பக்கமும் வந்துட்டு போங்க


    கட்டபொம்மன் kattapomman@gmail.com

    ReplyDelete
  7. நேசமித்ரன்June 15, 2009 at 7:56 PM

    ;-(//கையாலாகாத அயோக்கியன்
    கவிதை எழுதுகிறேன்.
    கண்ணீர் என்னமோ
    கொட்டிக்கொண்டுதானிருக்கிறது!

    ;-(

    ReplyDelete
  8. ஜோதிஜி,July 16, 2009 at 1:54 PM

    வீட்டுக்கு வந்துட்டு காபி சாப்பிடாம வந்துட்டீங்க. சொகமா இருக்கீங்களா? , உங்கள் பதிவில் உள்ளே வந்ததும் உங்கள் கவிதையை கண்டதும் சுரேகா,,,,,,, என்று உண்மையிலேயே கத்தி விட்டேன். என்னுள் அழுத்தி அழுது கொண்டுருக்கும் நிஜத்தை அப்படியே கவிதையாய் வார்த்தையாய் வடித்து இருக்கிறீர்கள். சத்யமாய் சொல்கிறேன் நானும் உங்கள் கட்சி தான். வதந்தியாய் இருந்து விடக்கூடாதா? இது வரை நக்கீரன் செய்திகள் தப்பே நடந்தது இல்லை. அந்த நம்பிக்கையில் தான் இருக்கிறேன். அந்த மாவீரன் தினத்தை எதிர்பார்த்துக்கொண்டுருக்கின்றேன். அடிக்கடி மறக்காம வீட்டுக்கு வந்து போயிட்டு இருங்க. அது சரி, உங்களுக்கும் இந்த புண்ணிய பூமியின் அறிமுகம் போல் இருக்கும் போலிருக்கு????


    நட்புடன். ஜோதிஜி http://texlords.wordpress.com

    ReplyDelete
  9. தமிழ் உதயம்January 28, 2010 at 10:44 PM

    உன்னை
    நாங்கள் எங்கள்
    இயலாமையால்
    கொன்றுவிட்டோம்!
    தமிழனின் சாபமே இது தானே.

    ReplyDelete

Post a Comment

Popular posts from this blog

இறைவி - எண்ணங்கள் எனது !

By -
Image
 ஒவ்வொரு திரைப்படமும், தனிப்பட்ட மனிதர்களின் எண்ண ஓட்டத்தில் ஏற்படுத்திய தாக்கத்தைத்தான் நாம் எழுதமுடியும். அதை விமர்சனம் என்று சொல்ல இயலாது. விமர்சனம் என்பது, ஒரு திரை ஆர்வலன், சினிமா ரசிகனின் பொதுக்கருத்தாக எழுதுவது ! ஆகவே, இதனை ஒரு தனிநபர் பின்னூட்டமாக நினைத்துக்கொண்டால் நன்று! இறைவி பற்றி எழுதவேண்டும் என்று இரவு முழுவதும் யோசித்த எண்ணங்கள் எழுத்துவடிவம் பெறுவதற்குள் சிந்தனை வேகமெடுத்து எங்கெங்கோ பயணித்து முட்டி நின்று, முன்னோக்கிச் சென்று அலைக்கழிக்கிறது. கார்த்திக் சுப்புராஜ் ! இவ்வளவு யோசிக்கும் இயக்குனரை வணங்கிவிட்டுத்தான் துவங்கவேண்டும். பெண்களை நேசிக்கும், மதிக்கும் அனைவருக்கும் , நேசிக்காத, நேசிக்கமுடியாத, மதிக்காதவர்கள் மூலமாக கதை சொல்லியிருக்கிறார். ஆண் – நெடில்..  பெண்- குறிலை எப்படி நினைத்துக்கொண்டிருக்கிறோம். அல்லது.. நினைத்துக்கொண்டிருக்கிறோமா என்று நினைத்துப்பார்க்க வைத்திருக்கிறார். சில ஆண்டுகளுக்கு முன், ஒரு பெரிய சிறையில் ஆயுள்தண்டனைக் கைதிகளுக்கு உளவியல் பயிற்சியளிக்கச் சென்றிருந்தபோது, நிதானம் இழந்ததால், அவர்கள் இழந்தவற்றைச் சொல்லக்கேட்டிருக்கி
Read more

நித்யானந்தாவும், நானும்..!

By -
இதை ரஞ்சிதா எழுதியிருந்தால் மிகுந்த ஆர்வம் ஏற்படும். என்ன செய்வது? இன்று, நேற்று என்று அந்த மனிதனைப்பற்றி ஒரு பிரளயமே கிளம்பி எகிறிக்கொண்டிருக்கிறது. நல்லா இருக்கீங்களா? என்று கேட்பதற்குமுன் நித்யானந்தா மேட்டர் தெரியுமா? என்று கேட்டுவிட்டுத்தான், நேரில் சந்திப்பவர்களும், தொலைபேசுபவர்களும் பேசவே ஆரம்பிக்கிறார்கள். என் கல்லூரிக்கால நண்பன் ஒருவன் அமெரிக்காவில் நித்யானந்தரின் சீடனாகவே ஆகிவிட்டான். தன் குழந்தைகளுக்கு நித்யா, ஆனந்தி என்று பெயர் வைத்திருந்தான். அந்த அளவுக்கு அவரது கருத்துக்களால் ஈர்க்கப்பட்டிருந்தான். இன்று அனேகமாக அவன் ரொம்ப துக்கப்படக்கூடும். காரணம் அவன் அவரை கருத்துக்களை மீறிக் கொண்டாடியதுதான்! இந்த விஷயத்தில், நாம் கொஞ்சம் ஆழமாகச் சிந்தித்தால், நம் அடுத்த தலைமுறையையாவது தெளிவாக்கலாம் என்ற நம்பிக்கையில்தான் இதைச்சொல்கிறேன். ஒரு மனிதன், வாழ்வின் சில விஷயங்களை ஒரு கார்ப்பரேட் ட்ரெய்னர் போல, (HR Trainer) போல, கொஞ்சம் ஆன்மீகம் கலந்து பேசுகிறான். அதன் பார்வையாளர்களும்,- வெவ்வேறு வயதினர், வெவ்வேறு தளத்தினர் - அதை ரசிக்கிறார்கள். ' அட! ஆமா! நாம இப்படித்தான் இருக்கோம்!
Read more

சென்னைப் பிழை!

By -
Image
 பணம் சம்பாதிக்க என்ன வேண்டுமானாலும் செய்யலாம் என்பதை விட பணத்தை வைத்து என்ன வேண்டுமானாலும் செய்யலாம் என்பதுதான் ஆபத்து !! அப்படியொன்றும் செய்துவிடமுடியாது என்று அறைந்துவிட்டுச் செல்கிறது இயற்கை! சென்னை வெள்ளக்காடாகிவிட்டது என்று எல்லா இடங்களிலும் புலம்பி, அலம்பி , சலம்பித் தீர்த்துவருகிறோம். எவ்வளவுதான் மூட்டை மூட்டையாக எழுதினாலும் தண்ணீரை அடைக்கவோ, வடிக்கவோ அது போதுமானதாக இல்லை. அவ்வளவு எழுத்தும் மண்ணாக இருந்தால்கூட ஏதாவது சாத்தியப்பட்டிருக்கும். இந்த சூழலில், நமக்கு மொத்தமாக இருக்கும் ஆத்திரம், ஆதங்கம், வருத்தம், கோபம், ஆற்றாமை, எல்லாவற்றையும் திட்டி பதிவு போட்டோ, சென்னையை கேவலமாகக் கிண்டல் அடித்தோ வடித்துக்கொள்கிறோம். ஆனால், ஒரு நிதர்சனமான உண்மைக்குப் பின்னால் ஒளிந்துகொண்டுதான் இத்தனையும் செய்கிறோம் என்று புரிந்துகொள்ளவேண்டும். நாம் யாருமே சென்னையை நேசிக்கவில்லை.. சும்மா பயன்படுத்திக் கொண்டிருக்கிறோம். எங்கள் ஊரில், மழை பெய்தால் இப்படித்தான் வெள்ளமாகும். உடனே அப்பா ஒரு மண்வெட்டியை எடுத்துக்கொண்டு வெளியில் செல்லுவார், எங்கள் வீட்டு வாசலில் இருக்கும் வாய்க்காலை வெட்ட
Read more