மகளென்னும் தேவதை!

By -
காணாமல் போன
செல்போனை
வீடெங்கும் தேடினால்
தண்ணீர் அண்டாவில்
கிடக்கிறது!

பால் காய்ச்ச வைத்திருந்த
பாத்திரத்தைக்காணவில்லை
என்று அம்மா அலற, அது
குப்பைக்கூடைக்குள்ளிலிருந்து
எட்டிப்பார்க்கிறது !

தொலைக்காட்சியின்
ரிமோட்டின்
உடலெங்கும் கட்டுக்கள்!
அடுத்த ரிமோட்
வீட்டுக்குள் அடியெடுத்து
வைக்கிறது!

வெளியில் கிளம்பும்
எல்லோருக்கும் விளையாட்டு
காத்திருக்கிறது!
உங்கள்செருப்பைத்
தேடுங்கள் பார்ப்போம்.!

படுக்கையறையில்
இடம்மாறிய பலபொருட்களை
கண்டுபிடிப்பதே பாதிநாள் பணியாய்
வேலைக்காரி கூறுகிறாள் !

அசந்த நேரங்களில்
தண்ணீர்ப் பாத்திரங்கள்
தலையில் ஊற்றியதுபோக
மீதத்துடன் நிற்கின்றன!

கதவுகளின் சாவித்துவாரங்களெங்கும்
குச்சிகள் அடைக்கப்பட்டு
அவசரத்துக்கு பூட்டமுடியலை
என்று அத்தனைபேரும்
அலறுகிறோம்.!

அம்மா என் புத்தகத்தின்
ஆறாம் பக்கத்தை காணலை!
அலறுகிறான் அஸ்வின்!


அடுக்கிவைத்திருந்த
துணிகளெல்லாம்
அறையெங்கும் சிதறிக்கிடக்க
மனைவியின் புலம்பலால்
நிறைகிறது இரவு உணவு!

நடமாடும் பகுதியெல்லாம்
சோற்றுப்பருக்கை,
கஞ்சி என
காலெங்கும் பிசுபிசுப்பு!

என் மகளென்னும் தேவதை
நடமாட ஆரம்பித்துவிட்டாள்!

அவள் எச்சில் படாத இடமிருந்தால்
எங்கள் வீட்டில் காட்டுங்கள்!
அவளிடம் தரச்சொல்கிறேன்
அன்பான ஒரு எச்சில் முத்தம் !









Comments

  1. காரணம் ஆயிரம்™October 21, 2009 at 8:52 AM

    காணாமல் போன
    செல்போனை
    வீடெங்கும் தேடினால்
    தண்ணீர் அண்டாவில்
    கிடக்கிறது!

    தொலைக்காட்சியின்
    ரிமோட்டின்
    உடலெங்கும் கட்டுக்கள்!

    அடுக்கிவைத்திருந்த
    துணிகளெல்லாம்
    அறையெங்கும் சிதறிக்கிடக்க
    மனைவியின் புலம்பலால்
    நிறைகிறது இரவு உணவு!
    //

    ரொம்ப நன்றாயிருக்கு சுரேகா!!!

    கிடைத்ததையெல்லாம் வாயில் வைக்கும் பருவம் ஒன்று உங்கள் பெண்ணுக்கு வரும் பாருங்கள்.. (நடப்பதற்கு அடுத்தது என்று நினைக்கிறேன். ஏனெனில், அப்படித்தான் என் பெண் செய்கிறாள்)

    அப்பொழுது இதைவிட பெரிய கவிதைகள் எழுதுவீர்கள் என்று தோன்றுகிறது..

    நன்றி !!!

    :)

    ReplyDelete
  2. சுரேகா..October 21, 2009 at 9:01 AM

    வாங்க காரணம் ஆயிரம்..!

    நன்றிங்க!

    கிடைத்ததைஎல்லாம் வாயில் வைக்கும் பருவமும் வந்திருச்சு!
    அதான் கடைசி வரிகள்!
    அவள் எச்சில் படாத இடமே இல்லை!
    :)

    ReplyDelete
  3. pudugaithendralOctober 21, 2009 at 9:13 AM

    ஆஹா, நடக்க ஆரம்பிச்சாச்சா!!!

    சோ ஸ்வீட் குட்டிம்மா.

    தொடரட்டும் உன் ஆட்டங்கள்

    ReplyDelete
  4. Thamiz PriyanOctober 21, 2009 at 9:33 AM

    Action arambamaa... :-) anubavi raja anubavi... :-)))

    ReplyDelete
  5. மங்களூர் சிவாOctober 21, 2009 at 10:51 AM

    ரொம்ப அழகான கவிதை.

    குட்டி தேவதைக்கு ஆசீர்வாதங்கள் & வாழ்த்துக்கள்.

    ReplyDelete
  6. AnonymousOctober 21, 2009 at 1:22 PM

    Appadi!
    a longtime wish became fulfilled!
    Kavithaiyin kavithai!
    kutti angel romba alagu!
    kutti ponnukku ayiram muthangal!
    best wishes from
    sayu.

    ReplyDelete
  7. சுரேகா..October 21, 2009 at 2:25 PM

    வாங்க புதுகைத்தென்றல்..!

    ஆமாங்க..!
    பையன் பரவாயில்லை!
    இது படா அளும்பா இருக்கு!

    ReplyDelete
  8. சுரேகா..October 21, 2009 at 2:31 PM

    வாங்க தமிழ்பிரியன்!
    நலமா? ரொம்ப நாளா பாக்க முடியலை!

    ஆட்டம் ஆரம்பம்!
    நல்லாத்தான் இருக்கு!

    :)

    ReplyDelete
  9. சுரேகா..October 21, 2009 at 2:37 PM

    வாங்க சிவா!

    மிக்க நன்றிப்பா!

    ReplyDelete
  10. cheena (சீனா)October 21, 2009 at 8:22 PM

    அன்பின் சுரேகா

    கவிதை அருமை - செல்லம் செய்யும் குறும்புகள் அனைத்தும் ரசிக்கக் கொடுத்து வைக்க வேண்டும். ஆகா அந்த இன்பம் அனுபவிக்க வேண்டும்

    நல்வாழ்த்துக்ள் செல்லத்திற்கு

    ReplyDelete
  11. Rajalakshmi PakkirisamyOctober 22, 2009 at 6:06 AM

    Very nice :)

    ReplyDelete
  12. - மலைநாடான்October 23, 2009 at 5:13 PM

    மழலை இன்பம் மனதுக்கு இன்பம்

    ReplyDelete
  13. AnnamOctober 31, 2009 at 12:27 PM

    காணாமல் போன
    செல்போனை
    வீடெங்கும் தேடினால்
    தண்ணீர் அண்டாவில்
    கிடக்கிறது!
    ///////////////////////

    அப்படி தான் குட்டிம்மா பண்ணனும்:)குட்

    ReplyDelete
  14. AnnamOctober 31, 2009 at 12:29 PM

    to kutti thevathai

    இன்னும் இது மாதிரி நிறைய அட்டகாசங்கள் பண்ணனும் குட்டி .....okay:)

    ReplyDelete
  15. AnnamOctober 31, 2009 at 12:30 PM

    ஆமாங்க..!
    பையன் பரவாயில்லை!
    இது படா அளும்பா இருக்கு!///////////////////////////

    ponnunga eppavumey activea thaan irupaanga:)

    ReplyDelete
  16. வெண்பூNovember 1, 2009 at 1:50 PM

    ஸோ க்யூட்.. ச்சோ ச்வீட்... சுத்தி போட சொல்லுங்க சுரேகா.. :))

    ReplyDelete
  17. கிர்பால்December 26, 2009 at 1:30 PM

    விகடனில் படித்தேன். நல்ல கவிதை. படித்தவுடன் பிடித்துப் போனது.

    ReplyDelete
  18. SeeniOctober 9, 2012 at 12:01 AM

    arumai!

    ReplyDelete

Post a Comment

Popular posts from this blog

இறைவி - எண்ணங்கள் எனது !

By -
Image
 ஒவ்வொரு திரைப்படமும், தனிப்பட்ட மனிதர்களின் எண்ண ஓட்டத்தில் ஏற்படுத்திய தாக்கத்தைத்தான் நாம் எழுதமுடியும். அதை விமர்சனம் என்று சொல்ல இயலாது. விமர்சனம் என்பது, ஒரு திரை ஆர்வலன், சினிமா ரசிகனின் பொதுக்கருத்தாக எழுதுவது ! ஆகவே, இதனை ஒரு தனிநபர் பின்னூட்டமாக நினைத்துக்கொண்டால் நன்று! இறைவி பற்றி எழுதவேண்டும் என்று இரவு முழுவதும் யோசித்த எண்ணங்கள் எழுத்துவடிவம் பெறுவதற்குள் சிந்தனை வேகமெடுத்து எங்கெங்கோ பயணித்து முட்டி நின்று, முன்னோக்கிச் சென்று அலைக்கழிக்கிறது. கார்த்திக் சுப்புராஜ் ! இவ்வளவு யோசிக்கும் இயக்குனரை வணங்கிவிட்டுத்தான் துவங்கவேண்டும். பெண்களை நேசிக்கும், மதிக்கும் அனைவருக்கும் , நேசிக்காத, நேசிக்கமுடியாத, மதிக்காதவர்கள் மூலமாக கதை சொல்லியிருக்கிறார். ஆண் – நெடில்..  பெண்- குறிலை எப்படி நினைத்துக்கொண்டிருக்கிறோம். அல்லது.. நினைத்துக்கொண்டிருக்கிறோமா என்று நினைத்துப்பார்க்க வைத்திருக்கிறார். சில ஆண்டுகளுக்கு முன், ஒரு பெரிய சிறையில் ஆயுள்தண்டனைக் கைதிகளுக்கு உளவியல் பயிற்சியளிக்கச் சென்றிருந்தபோது, நிதானம் இழந்ததால், அவர்கள் இழந்தவற்றைச் சொல்லக்கேட்டிருக்கி
Read more

நித்யானந்தாவும், நானும்..!

By -
இதை ரஞ்சிதா எழுதியிருந்தால் மிகுந்த ஆர்வம் ஏற்படும். என்ன செய்வது? இன்று, நேற்று என்று அந்த மனிதனைப்பற்றி ஒரு பிரளயமே கிளம்பி எகிறிக்கொண்டிருக்கிறது. நல்லா இருக்கீங்களா? என்று கேட்பதற்குமுன் நித்யானந்தா மேட்டர் தெரியுமா? என்று கேட்டுவிட்டுத்தான், நேரில் சந்திப்பவர்களும், தொலைபேசுபவர்களும் பேசவே ஆரம்பிக்கிறார்கள். என் கல்லூரிக்கால நண்பன் ஒருவன் அமெரிக்காவில் நித்யானந்தரின் சீடனாகவே ஆகிவிட்டான். தன் குழந்தைகளுக்கு நித்யா, ஆனந்தி என்று பெயர் வைத்திருந்தான். அந்த அளவுக்கு அவரது கருத்துக்களால் ஈர்க்கப்பட்டிருந்தான். இன்று அனேகமாக அவன் ரொம்ப துக்கப்படக்கூடும். காரணம் அவன் அவரை கருத்துக்களை மீறிக் கொண்டாடியதுதான்! இந்த விஷயத்தில், நாம் கொஞ்சம் ஆழமாகச் சிந்தித்தால், நம் அடுத்த தலைமுறையையாவது தெளிவாக்கலாம் என்ற நம்பிக்கையில்தான் இதைச்சொல்கிறேன். ஒரு மனிதன், வாழ்வின் சில விஷயங்களை ஒரு கார்ப்பரேட் ட்ரெய்னர் போல, (HR Trainer) போல, கொஞ்சம் ஆன்மீகம் கலந்து பேசுகிறான். அதன் பார்வையாளர்களும்,- வெவ்வேறு வயதினர், வெவ்வேறு தளத்தினர் - அதை ரசிக்கிறார்கள். ' அட! ஆமா! நாம இப்படித்தான் இருக்கோம்!
Read more

சென்னைப் பிழை!

By -
Image
 பணம் சம்பாதிக்க என்ன வேண்டுமானாலும் செய்யலாம் என்பதை விட பணத்தை வைத்து என்ன வேண்டுமானாலும் செய்யலாம் என்பதுதான் ஆபத்து !! அப்படியொன்றும் செய்துவிடமுடியாது என்று அறைந்துவிட்டுச் செல்கிறது இயற்கை! சென்னை வெள்ளக்காடாகிவிட்டது என்று எல்லா இடங்களிலும் புலம்பி, அலம்பி , சலம்பித் தீர்த்துவருகிறோம். எவ்வளவுதான் மூட்டை மூட்டையாக எழுதினாலும் தண்ணீரை அடைக்கவோ, வடிக்கவோ அது போதுமானதாக இல்லை. அவ்வளவு எழுத்தும் மண்ணாக இருந்தால்கூட ஏதாவது சாத்தியப்பட்டிருக்கும். இந்த சூழலில், நமக்கு மொத்தமாக இருக்கும் ஆத்திரம், ஆதங்கம், வருத்தம், கோபம், ஆற்றாமை, எல்லாவற்றையும் திட்டி பதிவு போட்டோ, சென்னையை கேவலமாகக் கிண்டல் அடித்தோ வடித்துக்கொள்கிறோம். ஆனால், ஒரு நிதர்சனமான உண்மைக்குப் பின்னால் ஒளிந்துகொண்டுதான் இத்தனையும் செய்கிறோம் என்று புரிந்துகொள்ளவேண்டும். நாம் யாருமே சென்னையை நேசிக்கவில்லை.. சும்மா பயன்படுத்திக் கொண்டிருக்கிறோம். எங்கள் ஊரில், மழை பெய்தால் இப்படித்தான் வெள்ளமாகும். உடனே அப்பா ஒரு மண்வெட்டியை எடுத்துக்கொண்டு வெளியில் செல்லுவார், எங்கள் வீட்டு வாசலில் இருக்கும் வாய்க்காலை வெட்ட
Read more