Friday, March 21, 2008

லட்சியம் நிச்சயம் வெல்லும் !



எல்லாருக்கும் லட்சியம்கிற வார்த்தை நல்லா தெரியும்..ஆனா திடீர்ன்னு கேட்டா எத்தனை பேரால என் லட்சியம் இதுதான்னு அறுதியிட்டு சொல்லமுடியும்.?
லட்சியத்துல இப்போதைய லட்சியம், குறுகிய கால லட்சியம், நீண்ட நாள் லட்சியம், வாழ்நாள் லட்சியம் ன்னு நாலுவகை இருக்கு..! இந்த பதிவை பாக்கணும்னு உக்காந்திருக்கீங்க இல்லயா? இதுதான் இப்போதைய லட்சியம் ! இன்னும் 4 நாளைக்குள்ள ஒரு அதிகாரியை சந்திக்கணும், ஒரு அப்ளிகேஷன் போடணும், டெலிபோன் பில் கட்டணும்னு இருந்தால் அது குறுகிய கால லட்சியம்.! நீண்ட நாள் லட்சியங்கிறது...ஒரு பள்ளிப்படிப்பையோ கல்லூரிப்படிப்பையோ சிறப்பா முடிக்கணும்னு நினைக்கிறது. அப்ப வாழ்நாள் லட்சியம்? ...அதுதான் ஒவ்வொருத்தருக்கும் வேறுபடும்....நடிகராகனும், தொழிலதிபராகனும், கலெக்டராகனும்னு...ஒவ்வொண்ணும் ஒரு வகை...! ஆனா லட்சியமே இல்லாம இருக்குறது ரொம்ப கொடுமை!

ஒரு சாதாரண ஊர்ல..மிஸ்டர் சாதாரணம்னு ஒருத்தர் இருந்தாராம். அவர் ஒரு சாதாரண குடும்பத்தில் பிறந்தாராம். அதுனால அவரை ஒரு சாதாரண ஸ்கூலில் சேத்தாங்களாம். அவரும் சாதாரணமா படிச்சு சாதாரண மார்க் வாங்கினாராம். அதுனால ஒரு சாதாரண காலேஜ்ல சாதாரண டிகிரிதான் கெடைச்சுதாம். அதிலயும் சாதாரண மார்க் வாங்கிதான் பாஸ் பண்ணினாராம். அதுனால ஒரு சாதாரண கம்பெனில சாதாரணவேலைதான் கிடைச்சுதாம். அதுனால ஒரு சாதாரண பொண்ணா பாத்து சாதாரணமா கல்யாணம் பண்ணினாராம். அவங்களுக்கு சாதாரணமா ஒரு குழந்தை பொறந்ததாம். அவருக்கும் சாதாரணமா வயசாகிடுச்சாம். அப்பன்னு பாத்து மிஸ்டர். சாதாரணத்துக்கு ஒரு அசாதாரணமான வியாதி வந்ததாம். அதுனால அவருக்கு அசாதாரணமா பணத்தேவை ஏற்பட்டதாம். எல்லார்க்கிட்டயும் சாதாரணமா கேட்டுப்பாத்தாராம். ஆனா யாருமே குடுக்கலையாம்.

அப்பதான் அவருக்கு தோணினுச்சாம். ஆஹா..ஒரு
சாதாரண வாழ்க்கையை இல்ல வாழ்ந்துட்டோம். அப்படின்னு!


இதுல வர்ற மிஸ்டர்.சாதாரணமா நம்மள்ல பலபேர் இருக்கோம். வாழ்க்கைக்கு எந்த ஒரு லட்சியமும் இல்லாம, இல்லைன்னா ஏதாவது ஒரு சொத்தை லட்சியத்தோட வாழுறோம். நம்ம முன்னாள் குடியரசுத்தலைவர். டாக்டர் ஏ.பி.ஜே. அப்துல்கலாம் சொல்லியிருக்கார். சிறிய லட்சியம் ஒரு குற்றம் ன்னு..!
ஆனா நமக்கு எப்படி லட்சியம் அமைக்கிறதுன்னே தெரியலை.!
பொதுவா லட்சியத்துக்கு ஒரு வரையறை வச்சிருக்காங்க...ஆங்கிலத்தில் அதை SMART அப்படின்னு சொல்லுவாங்க..! எஸ்-ன்னா specific , M for Measurable , A for Acheivable, R for Reliable, T for Time bound ங்கிறதுதான் அது. அதாவது. இதுதான் என் லட்சியம்னு சொல்றது - உதாரணத்துக்கு ஒரு சிறந்த டாக்டராவேன் . ஒரு சிறந்த தொழிலதிபரா ஆவேன்.- எந்தத்தொழில்ல அப்படின்னும் முடிவெடுத்துடறது!-ஆனா இப்ப டாக்ட்ரானாலே தொழிலதிபரா ஆன மாதிரிதான்னு வச்சுக்கங்களேன்.!
அதுக்கு ஒரு அளவீடு வச்சுக்கிட்டு அதன் படி செயல்படறது –
அது அடையக்கூடியதா இருக்கிறது- இப்ப ஒரு மாணவர்தான் டாக்டராவேன்னு சொல்லமுடியும். ஒரு 40 வயசுக்காரர் சொல்லமுடியாது.
அதே போல அது நேரம் சார்ந்து இருக்கணும்- இத்தனை வருஷத்துக்குள்ள இதை அடைஞ்சுடணும்னு உறுதியா செயல்படுறது.! இதுதான் நம்மை நம்ம லட்சியத்தை நோக்கி கொண்டு போகும்.
மொக்கச்சாமிக்கு ஒரு உயிரியல் விஞ்ஞானி ஆகணும்னு திடீர்ன்னு ஆசை வந்துடுச்சு! சரி..எப்படியாவது ஒரு உயிரினத்தைப்பத்தி வித்தியாசமா ஒரு ஆராய்ச்சி பண்றதுன்னு முடிவுக்கு வந்துட்டாரு. அப்பன்னு பாத்து ஒரு தவளை தவ்வி போயிட்டிருந்தது. பாவம் அதுக்கு நேரம் சரியில்லை! அதைப்பிடிச்சாரு.. இவரு ஜம்ப் ன்னு சொல்லும்போது குதிக்கிறமாதிரி பழக்கினாரு.! உண்மை என்னன்னா அது குதிக்கும்போது இவர் ஜம்ப் ன்னு கத்திடுவாரு.! இப்ப என்ன பண்ணாரு. அந்த தவளையை ஒரு மேசை மேல வச்சு அதைப்பாத்து,
ஜம்ப் ன்னாரு ...குதிச்சுசு
முதல்ல ஒரு முன்னங்காலை வெட்டினாரு.. இப்ப..ஜம்ப் அப்படின்னாரு...சிரமப்பட்டு குதிச்சிடுச்சு !
அடுத்து இன்னோரு முன்னங்காலையும் வெட்டினாரு...ஜம்ப்ன்னாரு ...நிறையவே சிரமப்பட்டு குதிச்சுச்சு!
அப்பறம் ஒரு பின்னங்காலை வெட்டினாரு...இப்பவும் ஜம்ப்ன்னாரு...ரொம்ப ரொம்ப கஷ்டப்பட்டு குதிச்சது!
கடைசியா மீதமிருந்த ஒரு காலையும் வெட்டிட்டு இப்ப...ஜம்ப் அப்படின்னாரு..அது ஒண்ணும் செய்யாம இருந்தது..! அதான் நாலு காலையும் வெட்டியாச்சே ..எங்க குதிக்கிறது?

மொக்கச்சாமி உடனே ஆஹா..விஞ்ஞானி ஆகிட்டேன்னு கத்திக்கிட்டே ஓடிப்போய் ஒரு ரிப்போர்ட் எழுதினாரு..!

தவளைக்கு நான்கு கால்களையும் வெட்டிவிட்டால், காது கேட்காது!

இப்படி ஆகிடக்கூடாது..நம்ம லட்சியம்! எல்லா வெற்றியாளர்களையும் கேட்டுப்பாருங்க..அவுங்க ரொம்ப சிரமப்பட்டுத்தான் அந்த இடத்துக்கு வந்திருப்பாங்க! ஆனா அதை அடைஞ்சே தீரணும்னு வெறியோட இருந்திருப்பாங்க! நமக்கு முட்டி மோதி சினிமா டிக்கெட் வாங்குறதில் இருக்கும் அக்கறை முட்டாம மோதாம இந்த உலகத்தில் முன்னேறுவதில் இல்லைங்கிறதுதான் வருத்தமான விஷயம்.                                                                                            
  (தொடரும்...)

16 comments :

  1. //
    சிறிய லட்சியம் ஒரு குற்றம்
    //

    அதேதான்
    அதேதான் சுரேகா திங்க் பிக்

    ஆனா அந்த தவளைகதை பழசுதான் ஆனாலும் நல்லா இருந்தது.

    ReplyDelete
  2. வெல்செட் சுரேகா. வாழ்த்துக்கள்.
    (அப்புறம் சும்மா தமாஷுக்கு இந்த கேள்வி: இந்த தொடர் உங்க குறுகிய கால லட்சியம் தானே?)

    ReplyDelete
  3. மங்களூர் சிவா said...

    //
    சிறிய லட்சியம் ஒரு குற்றம்


    ஆனா அந்த தவளைகதை பழசுதான் ஆனாலும் நல்லா இருந்தது.//

    வாங்க சிவா..

    ஆமாங்க.

    இங்க பயன்படுத்தலாமேன்னுதான்..

    :)

    அப்புறம்..இதுக்கு ஒரு பின்னணீ இருக்கு.!

    ReplyDelete
  4. நிஜமா நல்லவன் said...

    //வெல்செட் சுரேகா. வாழ்த்துக்கள்.//

    நன்றி நிஜமா நல்லவன்...வருகைக்கும் வாழ்த்துக்கும்.

    (அப்புறம் சும்மா தமாஷுக்கு இந்த கேள்வி: இந்த தொடர் உங்க குறுகிய கால லட்சியம் தானே?)

    ஆமா..நிஜமாவே கரெக்டுதான். :)

    ReplyDelete
  5. நமக்கு முட்டி மோதி சினிமா டிக்கெட் வாங்குறதில் இருக்கும் அக்கறை முட்டாம மோதாம இந்த உலகத்தில் முன்னேறுவதில் இல்லைங்கிறதுதான் வருத்தமான விஷயம். //

    நச்சுன்னு மண்டையில ஒரு குட்டு குட்டி சொன்ன மாதிரி இருக்கு முடிவு பத்தி... நல்லா இருக்கு தொடர்ந்து சொல்லு...

    ReplyDelete
  6. நான் லச்சியம்னா ரொம்ப பெரிய விசயம் நினைச்சேன். பதிவு படிக்கறது,கும்மி அடிக்கறதுகூட லட்சியம் சொல்லிட்டீங்க. ரொம்ப நன்னிங்கோ.

    ReplyDelete
  7. naan oru housewife,yenakke ivvalo naala latchiyame illama waste pannitomennu varuthapadaren.naanum oru sadhanarana vazhkai vazhunduvidakoodhu.edhavadhu sadhikkanumkira UNARVAI thatti ezhupiteenga sureka.nandrihaludan
    adutha padhivai ethirparkiren.

    ReplyDelete
  8. Thekkikattan|தெகா said...

    //நச்சுன்னு மண்டையில ஒரு குட்டு குட்டி சொன்ன மாதிரி இருக்கு முடிவு பத்தி... நல்லா இருக்கு தொடர்ந்து சொல்லு...//

    நன்றிங்கண்ணா..

    அடுத்த பாகம் வருது..!

    ReplyDelete
  9. சுரேகா!
    லட்சியவாதிகளை உருவாக்கும்
    உங்க லட்சியம் வாழ்க!..

    "இதுக்கு ஒரு பின்னணீ இருக்கு.!"
    இன்னாதுங்கோ?...

    Eagerly waiting for next article...

    ReplyDelete
  10. சாமான்யன் Siva(stocksiva.blogspot.com) said...

    //நான் லச்சியம்னா ரொம்ப பெரிய விசயம் நினைச்சேன். பதிவு படிக்கறது,கும்மி அடிக்கறதுகூட லட்சியம் சொல்லிட்டீங்க. ரொம்ப நன்னிங்கோ.//

    வாங்க சாமான்யன்..ஆமா..அதுவும் ஒரு லட்சியம்தானே..!

    ReplyDelete
  11. Anonymous said...

    //naan oru housewife,yenakke ivvalo naala latchiyame illama waste pannitomennu varuthapadaren.naanum oru sadhanarana vazhkai vazhunduvidakoodhu.edhavadhu sadhikkanumkira UNARVAI thatti ezhupiteenga sureka.nandrihaludan
    adutha padhivai ethirparkiren.//

    நன்றிங்க!
    வாழ்த்துக்கள்

    ReplyDelete
  12. நன்றிங்க சின்னமயில்..

    ReplyDelete
  13. //இப்ப ஒரு மாணவர்தான் டாக்டராவேன்னு சொல்லமுடியும். ஒரு 40 வயசுக்காரர் சொல்லமுடியாது.
    //
    அமெரிக்காவுல இதுமாதிரி விஷயத்துக்கெல்லாம் வயசே கிடையாதாக்கும்! இங்க யாரு வேணும்னாலும், எப்ப வேணும்னாலும், எதுக்கு வேணும்னாலும் குறி வைக்கலாம்! 80 வயசுல பட்டம் வாங்குனவங்க, 65 வயசு தன்னார்வலர்...it's never too late அப்படிங்கறது இவங்க கொள்கை.
    நல்ல பதிவு.

    ReplyDelete
  14. nalla usefullana oru visayathai

    kaiaandirukeenga... nalla manasu...

    ellorukkum oru target/aim/goal irukkanum entu... appadi illai ental move yaethu...

    good post

    ReplyDelete
  15. சுந்தரவடிவேல் said...

    //இங்க யாரு வேணும்னாலும், எப்ப வேணும்னாலும், எதுக்கு வேணும்னாலும் குறி வைக்கலாம்! 80 வயசுல பட்டம் வாங்குனவங்க, 65 வயசு தன்னார்வலர்...it's never too late அப்படிங்கறது இவங்க கொள்கை.//

    வாங்கண்ணா..

    ஓ. அப்படியா..அது சரிதான்..ஆனா..எதையுமே குறிக்கோளா வச்சுக்காம...அப்படி ஆகலாம்னு நினைச்சேன்..முடியலைன்னு சொல்லிட்டு அலைவாங்கள்ல அதுக்காக சொன்னேன்.

    ReplyDelete
  16. Anonymous said...


    //ellorukkum oru target/aim/goal irukkanum entu... appadi illai ental move yaethu...//
    ஆமாங்க..நன்றி.!

    ReplyDelete

LinkWithin

Related Posts Plugin for WordPress, Blogger...